Cosmic நாட்காட்டி

காஸ்மிக் நாட்காட்டி (Cosmic calendar) என்று ஒரு சொல் பிரயோகம் உண்டு. இது கால் சகான்(Carl Sagan) என்ற விண்வெளி விஞ்ஞானியால் முதன் முதலில் சொல்லப்பட்டது. நம் பிரபஞ்சத்தின் ஒட்டுமொத்த வரலாறையும் ஒரு மனித வருட காலத்திற்குள் சுருக்கி சொல்லும் ஒரு முயற்சியே இது. இந்த நாட்காட்டியில் ஜனவரி ஒன்றாம் தேதி முதல் நொடி பெருவெடிப்பு(big bang) நடந்ததாக வைத்துக்கொண்டால் டிசம்பர் 31 கடைசி நொடி அன்று நம் நிகழ் கணம் உள்ளதாக வைத்துக்கொள்ளலாம். இந்த நாட்காட்டியில் ஒரு மாதம் என்பது 1.2 பில்லியன் ஆண்டுகள் ஆகவும், ஒரு நாள் என்பது 40 மில்லியன் ஆண்டுகள் ஆகவும்,ஒரு நொடி என்பது 437 ஆண்டுகள் ஆகும் தோராயமாக எடுத்துக்கொள்ளலாம். மனிதர்களின் வரலாற்றை பிரபஞ்சத்தின் ஒட்டுமொத்த வரலாற்றோடு ஒப்பிட்டுப் பார்க்கவும், பிரபஞ்சத்தின் மீது மனிதர்களின் தாக்கத்தை புரிந்து கொள்ளவும் இது உதவும். 

ஜன 1: பெருவெடிப்பு நிகழுதல்

ஜன 13 : முதல் நட்சத்திரம் தோன்றுதல்

ஜன 22 : முதல் நட்சத்திர குடும்பம் தோன்றுதல்

மார்ச் 16: பால்வெளி நட்சத்திர குடும்பம் தோன்றுதல்(Milky Way) 

செப் 2 : சூரிய குடும்பம் உருவாக்கம். பூமி மற்றும் நிலவு தோன்றுதல்.

செப் 21: பூமியில் முதல் நுண்ணுயிரி தோன்றுதல்.

டிசம் 14 : முதல் சிறு விலங்குகள் தோன்றுதல்.

டிசம் 26:  பாலூட்டிகள் தோன்றுதல்

டிசம் 30: குரங்கு குடும்பம் தோன்றுதல்.

டிசம் 31 23:44 - நெருப்பை கட்டுப்படுத்தல்( domestication)

டிசம் 31 23:52 - முதல் நவீன மனிதன்

இதன்பிறகு அத்தனையும் நொடி கணக்கில் மாறும். ஆக டிசம்பர் 31 அன்று,

23:59:32- விவசாயம் தோன்றியது

23:59:47- எழுத்துக்கள் ஆரம்பித்தன

23:59:48- எகிப்து மற்றும் சிந்து சமவெளி நாகரீகம் ஆரம்பம் 

23:59:53-இரும்பு யுகம் தோன்றியது 

23:59:54- ஆறு நொடிக்கு முன்பு புத்தர் பிறந்தார் 

23:59:55- ஐந்து நொடிக்கு முன்பு கிறிஸ்து பிறந்தார் 

23:59:56-நான்கு நொடிக்கு முன்பு முகமது பிறந்தார் 

23:59:58- மங்கோலிய சாம்ராஜ்யம், மராட்டிய சாம்ராஜ்யம், கொலம்பஸின் பயணம், சிலுவைப்போர்கள் .

23:59:59 - இந்த நொடி- கடைசி 437 வருடங்கள்

இந்த அளவீட்டின்படி ஒரு சராசரி மனித வாழ்க்கையானது(60-70 வருடங்கள்) பிரபஞ்சத்தின் வாழ்க்கையோடு ஒப்பிடும்போது 0.16 நொடிகள் மட்டுமே ஆகும். நம் நினைவுக்கு தெரிந்த அத்தனை வரலாறும் கடைசி 14 நொடியில் நிகழ்ந்ததாகும். காலத்தையும் வெளியையும் ஒப்பிட்டுப் பார்க்கும்போது நாம் வெறும் கால் தூசு என்பதை புரிந்து கொள்ள வேண்டும்.

இந்த 14 நொடிகளுக்குள் எத்தனை விதமான உருவாக்க கதைகள்(origin stories),அதைச் சார்ந்த மதங்கள், அதற்கான கோட்பாடுகள், அதை நம்பும் மக்கள்......